الجمعة11172017

Last updateالأربعاء, 15 تشرين2 2017 1pm

Back أنت هنا: ثقافة وفنـــون موضوعات باب ثقافة وفنون نبض القوافي عناي..شعر/علي السبعان

عناي..شعر/علي السبعان

تعنى لك ولا احسّ بْعناي
ألف ميل تصير لاجلك نص خطوه

وآتهنى معك حتى في شقاي
كل جرحٍ منك له في القلب نشوه

لي بغيت آجيك تسبقني خطاي
وان بغيت آروح شفت الشبر عنَوه

واعتذر لك قبل ما يبدر خطاي
واشعر ان العذر حتى العذر هفوه

مستحيل انسى أو اقسى يا هواي
أي نسيانٍ حبيبي واي قسوه

وانت يا روحي بعد كل اقرباي
ما بقى للقلب غيرك انت عزوه

كن صوتك لى همست لحون ناي
أو وتر عودٍ يقسم قبل غنوه
والوصايف بك تكمّل يا مناي
بابتسامه ساحرَه وعيون حلوه

من عطاه الله مثلك يا مناي
لو دفع عمرَه من اجْل رْضاك..فدوه