الجمعة11172017

Last updateالأربعاء, 15 تشرين2 2017 1pm

Back أنت هنا: ثقافة وفنـــون موضوعات باب ثقافة وفنون نبض القوافي ما صرت اميّز ...شعر / مريم راشد ـ الإمارات

ما صرت اميّز ...شعر / مريم راشد ـ الإمارات

ما صرت أميّز بين صادق وكذاب
ما عدت أميّز من حبيبي وعدوي

الأحباب في عيني غدو اليوم أغراب
وأغرب غريبٍ في الشتا صار ضوي

واللّي أودّه صار يطعني بناب
لأجل يتسلق يصعد لفوق يضوي

ما همته صحبة ولا ود وعتاب
المصلحة أعمته ولا طاق جوي

أصبحت لازم أنتمي لجمع لذياب
عشان أسايرهم وأسايس وأسوي

هذوله إللي سلاحهم كذب وأنياب
مكايد وحفر وأساليب تغوي

في غيبتك خصمك وفي وجودك أصحاب
بس لا طلعت أصبحت محكاي مروي

كنت دايم للخير داعي وطلاب
وأنشد دروب النور وأعزم وأنوي

لكن صدمني من شريعتهم الغاب
بعض أصدقائي كانوا ذياب تعوي


خلوني أسأل نفسي وأشك وارتاب
وأنا بعدني فـ عالم الشر توي!

أترفع إني أحكي الـ صار واغتاب
بداخلي الأيام تحكي وتروي

قصّة من إللي ظن نفسه فـ محراب
ظن إن كل الناس ع الخير تنوي

وتبين إن (إبليس) له ناس وأحباب
مْجنّد أعوانه وكم قال سوي

با لمْلِم أوراقي وبا سكّر الباب
وبا خلّي مضمون التفاصيل مطوي!